Norsk Rakfiskfestival - Fagernes 4. - 6. november 2010

Hande Rakaure

Kari, Randi Berit og Knut på Nedre Hande, ein middels stor gard i Vestre Slidre.

Garden ligg ned til Slidrefjorden. Vi driv tradisjonelt med sau, rundt 100 vinterfora, 2 hestar. I tillegg driver vi med litt hytteutleige til turistar og andre besøkande. Men det er fiskeoppdrett og rakfiskproduksjon som har fyrsteprioritet.

Garden har rike fisketradisjonar både heime og på stølen. Slidrefjorden, Grønsennvatnet og Store Flyvann var veldig gode fiskevann. Difor var det naturleg å videreutvikle dette og gjera eksistensgrunnlaget på garden meir sikkert.

Fyrst starta vi oppdrett med not ute i fjorden. I 1990 flytta vi fisken inn på land i støypte dammar bygd som bollar. Det gjer også ein betre fisk for når ein tilfører rikeleg med vatn held det seg reint og fisken får god trim. Det er sjølvsagt kvaliteten på fisken som er sjølve grunnlaget for den gode rakfisken.